Sande

Bygdesoga for Innvik og Stryn. Gardane 73 Sande

Namn og opphav

Opphavleg form var Sandr, i dativ Sande, som har fest seg som namn i notida. Garden ligg ved ei sandfjære på nordsida av Lovatnet. Garden er gammal.

Av Bj. K. ser vi at 1/9 laup i Sande låg til prestebolet på Eide (Nedstryn), 2 tveitars leige låg til prestebolet i Alda og var gjevne av Simon Hallsteinson for årtidehald; 2 tveitar og 6 laup låg til prestebolet i Loda.

Garden er og nemnd i dipl. av 1340, som melder at det då var 3 m.m.b. avfall i Sande.

Sande låg truleg øyde i siste parten av mellomalderen. Garden er ikkje nemnd i 1520-åra. I 1563 legg Siffuord på Sande 2 1. s. i leilendingsskatt. I 1567 er garden heller ikkje nemnd. Sjurd Sande var lagrettemann i 1588. Han er vel den same som Siffuord, n. i 1563.